Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

İnsan həmişə məhəbbət axtarır. Tapanda sevinir, xoşbəxt olur. Məhəbbət puç olanda isə kədərlənir, dərdə düşür. Təəssüf ki, daim arzulanan məhəbbət insana sonradan göz yaşı bəxş edir.

Tamaşanın qəhrəmanları ömürlərinin yarısını yaşamış olsalar belə, hələ də çatmadıqları məhəbbəti axtarırlar. Ailə sahibləridirlər, bəzilərinin hətta yetkinlik yaşına çatmış övladları da var. Amma məhəbbət yoxdur... İş var, karyera var, cəmiyyətdə hörmət var, hətta ətrafdakılar onlara həsəd də aparır. Amma məhəbbət yoxdur...

Heç bir hörmət, maddi rifah məhəbbəti əvəz etmir. Hətta anlayırlar ki, məhəbbət göz yaşları gətirir. Amma yenə də onu axtarır, ona doğru can atırlar. Və bu axtarışda ailələr dağılır, faciələr baş verir.

Bayquş əsasən xarabalıqda peyda olur. Ya da lap qədimlərdə deyildiyi kimi bədbəxtlik gətirir. Demək, bu yaşayış məntəqəsi gələcəkdə xarabaya çevrilə bilər.

Tamaşanın səhnələşdirmə müəllifi və quruluşçu rejissoru Azərbaycan və Kalmıkiya Respublikalarının  Əməkdar incəsənət xadimi Bəhram Osmanovdur.