Pərvin Nurəliyeva  “Mən öləndə ağlama”

Yaş reytinqi: 16+

Müəllif: Pərvin Nurəliyeva

Quruluşçu rejissor: Ayla Osmanova

Tək ifa:  Səbinə Məmmədzadə

Janr: tək ifa üçün lirik dram

Tamaşanın müddəti:  – 55 dəqiqə

            Valideynlərinin laqeyd münasibətindən  təklənmiş Leyla ailə münaqişələrindən bezir. Anası dünyasını dəyişəndən sonra atasını saxlamaq üçün özünə iş axtarır. Lakin hər iş yeri onun üçün bir sarsıntıya çevrilir. Nəhayət, ali təhsil alıb, bir hüquqşünas kimi, qadın hüquqlarını müdafiə etməyə cəhd göstərir. Bu zaman səlahiyyətli vəzifə adamı ona vurulur. Onlar arasında  olan eşq hekayəsi də nakam qalır.

Beləliklə, Leyla həyatın sınaqlarına tab gətirmir, psixi sarsıntılar yaşayır və psixoloji dispanserə düşür. Elə tamaşanın dramatik hadisələri də  psixoloji dispanserdə Leylanın  xatirələri əsasında cərəyan edir. 

Tamaşa cəmiyyətə bir mesaj ötürür: insan harada olursa-olsun, azad deyilsə, deməli, yaşamaq hüququ əlindən alınmışdır.  Yalnız azad insan, xüsusilə də, azad qadın sahib olduqlarına görə özünü xoşbəxt hiss edə bilər.